GERT SARRISAM – NAMAKWALANDSE SKRYWERBOER

Die lang wag is verby, my 5de boek is nou beskikbaar.

Gert Sarrisam se nuwe boek – “Vammelewe se vuurstories vat vlam” – is beskikbaar Hierdie wonderlike skrywer en legende van die Namakwaland het ‘n absolute gawe om ‘n storie te skryf waar jy nie anders kan as om jou heeltemal in te leef in die verhaal nie en saam te lag of saam te huil en deel te word van Namakwaland en sy interessante en lieflike mense en stories nie.🧡🧡 As jy vandag ‘n kopie bestel – kan hy dit vir jou persoonlik uitmaak aan iemand spesiaal en teken – hy is tans in die Kaap vandag – en ons kan dan die kopie laat aflewer vir jou.🥳🥳🥳 Wonderlike idee vir ‘n Kersgeskenk! Sy ander boeke is ook beskikbaar vir bestelling.

334 bladsye

41 Ware Verhale

Bestellings per e-pos – gertsarrisam@gmail.com

PRYS  – R250   (POSGELDE UITGESLUIT)

Sel & WhatsApp navrae – 073 151 1158

Onderhoud op Radio Tygerberg oor die bekendstelling van die nuwe boek .

Gert Cornelis Engelbrecht is op 20 September 1944 op die familieplaas Sarrisam naby Wallekraal in die Sandveld aan die Weskus gebore. Sarrisam is ‘n Namawoord wat, sover nagevors kon word, “fluistering van die wind deur die riete” beteken.

Gert is die vierde van tien kinders. Weens sy vader se swak gesondheid moes hy die skool ná standerd agt verlaat om hom op die plaas te gaan help. Dis waar sy vader hom geslyp en voorberei het vir die ongenaakbare Namakwalandse boerdery. Hierdie leerskool bly vir hom kosbaar en van onskatbare waarde.

Hy is getroud met Hestelle Barnard, ’n nooi uit Piketberg se wêreld, wat op Garies kom skoolhou het. Hulle huwelik is geseën met vier dogters en ‘n seun, wat vandag as die vierde geslag saam met sy pa op die familieplaas boer. Hulle ses kleinkinders gee hulle baie vreugde en word baie bederf. Gert is ook ’n geregistreerde stoetdorperteler, en hy en Hestelle bestuur saam ‘n gastehuis op die plaas tydens die blommeseisoen.

Gert se liefde vir Namakwaland en sy mense het hom aangespoor om oor hierdie unieke landstreek en sy besonderse mense te skryf.